1.1. «FFIN Payments» төлем ұйымының осы Қағидалары (бұдан әрі – Қағидалар) «ASIAPAY» жүйесінде (бұдан әрі – төлем ұйымы) төлем операцияларын жүзеге асыруды қамтамасыз ететін бірыңғай шарттар мен рәсімдерді айқындайды және төлем қызметтерін көрсету тәртібіне қойылатын жалпы талаптарды белгілейді:
· электрондық ақшаны іске асыру (тарату) бойынша;
· электрондық ақшаны пайдалана отырып жүзеге асырылатын төлемдерді қабылдау және өңдеу бойынша;
· клиент электрондық нысанда бастамашылық еткен төлемдерді өңдеу және төлемді және (немесе) аударымды жүзеге асыру немесе осы төлемдер бойынша ақшаны қабылдау үшін қажетті ақпаратты банкке, банктік операциялардың жекелеген түрлерін жүзеге асыратын ұйымға беру бойынша;

1.2. Қағидалар «Төлемдер және төлем жүйелері туралы» Қазақстан Республикасының Заңына (бұдан әрі – «Заң») және Қазақстан Республикасының өзге де нормативтік құқықтық актілеріне сәйкес әзірленді.

1.3. Осы Қағидалар төлем ұйымы жүйесінің есеп айырысу қатысушыларының барлығы үшін міндетті болып табылады.

1.4. Төлем ұйымының төлем қызметтерін көрсетуге арналған шарттарды жасасуы Заңға, Қазақстан Республикасының Азаматтық кодексіне және Қазақстан Республикасының өзге де нормативтік құқықтық актілеріне сәйкес жүзеге асырылады. Бұл ретте төлем қызметтерін көрсетуге арналған шарт төлем ұйымы клиентінің «ASIAPAY» жүйесіне қосылу туралы шартта көзделген әрекеттерді жасаған сәттен бастап немесе төлем ұйымының (https://asiapay.kz/) мекенжайы бойынша сайтында орналастырылған электрондық ақшаны іске асыру және таратуға, сондай-ақ электрондық ақшаны пайдалана отырып қолма-қол ақшасыз төлемдерді жүргізуге арналған жария офертаның талаптарын қабылдаған сәттен бастап жасалды деп есептеледі және күшіне енеді.

1.5. Қағидаларда Заңмен айқындалған ұғымдар пайдаланылады, оның ішінде «Электрондық құжат және электрондық цифрлық қолтаңба туралы», «Қылмыстық жолмен алынған кірістерді заңдастыруға (жылыстатуға) және терроризмді қаржыландыруға және жаппай қырып-жою қаруын таратуды қаржыландыруға қарсы іс-қимыл туралы» Қазақстан Республикасының заңдары және төлемдерді жүзеге асыру және олардың қауіпсіздігін қамтамасыз ету саласындағы Қазақстан Республикасының өзге де нормативтік құқықтық актілері.

Осы Қағидалар мәтінінде қолданылатын терминдер мынадай мәнге ие:

2.1. Авторизация – төлем ұйымының Электрондық ақша жүйесіне қатысушыларды тексеруді жүзеге асыруы, оларға төлем ұйымы жүйесінде электрондық ақшаны пайдалана отырып операциялар жасау құқығын беру, оның ішінде олардың жеке кабинетіне қол жеткізуді ұсыну. Авторизациядан өту тәртібін төлем ұйымы белгілейді және ол электрондық ақша иелеріне тіркелу кезінде жеткізіледі.

2.2. Электрондық ақша жүйесінің өкілі (бұдан әрі – өкіл) – эмитентпен не электрондық ақша жүйесінің операторымен жасалған шарт негізінде эмитенттен және жеке тұлға болып табылатын иелерден электрондық ақшаны кейіннен жеке тұлғаларға өткізу үшін сатып алу қызметін жүзеге асыратын банк, банктік операциялардың жекелеген түрлерін жүзеге асыратын ұйым, ұлттық пошта операторы және төлем агенті.

2.3. Аутентификация – төлем ұйымы белгілеген және Жүйеге қатысушыларға жеткізілген рәсімдер мен шаралар кешені, олар электрондық хабарламалардың түпнұсқалығын және дұрыс жасалуын растауға, сондай-ақ электрондық хабарламаның оны жіберуші және алушы ретінде көрсетілген Жүйеге қатысушының тікелей өзі бергенін анықтауға арналған.

2.4. Төлем ұйымының үздіксіз жұмыс істеуі – төлем ұйымының тиісті жұмыс істеуінің бұзылуының алдын алу қабілетін (оның ішінде операцияларды жүзеге асыруды тоқтата тұруға (тоқтатуға) немесе операцияларды тиісінше орындамауға жол бермеу), сондай-ақ мұндай бұзушылық туындаған жағдайда тиісті жұмыс істеуді қалпына келтіру қабілетін білдіретін кешенді қасиет.

2.5. Электрондық ақша иесі немесе ЭА иесі:
· он алты жасқа толған, резидент немесе резидент емес, электрондық ақшаны Эмитенттен, өкілден немесе Жүйеге қатысушы өзге жеке тұлғалардан алған жеке тұлға;
· өкілдер;
· жеке кәсіпкерлер және заңды тұлғалар;
· төлем ұйымының қатысушысы болып табылатын жеке тұлғалардан азаматтық-құқықтық мәмілелер бойынша ақы ретінде электрондық ақшаны алған серіктестер.
Электрондық ақша иесінің құқықтары электрондық ақшаны алған сәттен бастап туындайды.

2.6. Электрондық ақшаны шығару/эмиссиялау – Банк-эмитенттің Жүйеге қатысушыларға электрондық ақшаны олардың атаулы құнына тең ақша сомасына айырбастау арқылы беруі.

2.7. Төлем жасау – Қызмет көрсетуші Банкке алдын ала арнайы транзиттік шотқа аударған ақшаны, төлем ұйымынан Банк алған нұсқау негізінде, кейіннен Клиенттің төлем картасының ағымдағы шотына және/немесе IBAN-ға аудару мақсатында жүзеге асырылатын ақша аударымы.

2.8. Сәйкестендіруге арналған өтініш – осы Қағидаларға сәйкес сәйкестендіруден өту мақсатында Жүйеге қатысушы толтыруға тиіс, белгіленген нысан бойынша жасалған және төлем ұйымы мен Жүйеге қатысушы арасында тиісті шарт жасасу туралы талапты қамтитын жеке тұлғаның төлем ұйымы жүйесінде сәйкестендіруге арналған өтініші.

2.9. Сәйкестендіру – осы Қағидаларда көзделген, жеке тұлғаның жеке қатысуы және оның жеке басын куәландыратын құжатты ұсынуы арқылы не ақша аударымдарының банкаралық жүйесінің операциялық орталығынан алынған қолжетімді дереккөздер мәліметтері негізінде қашықтан сәйкестендіру арқылы жеке тұлғаның жеке басын анықтау рәсімі.

2.10. Ақпараттық қауіпсіздік оқиғалары туралы ақпарат (оның ішінде ақпараттық жүйелердегі бұзушылықтар мен іркілістер туралы мәліметтер) – ақпараттық-коммуникациялық инфрақұрылымның немесе оның жекелеген объектілерінің жұмысында жеке немесе топтасып туындайтын, олардың тиісінше жұмыс істеуіне қатер төндіретін және (немесе) төлем ұйымының электрондық ақпараттық ресурстарын заңсыз алу, көшіру, тарату, өзгерту, жою немесе бұғаттау үшін жағдай жасайтын іркілістер туралы ақпарат.

2.11. Ақпараттық қауіпсіздік – электрондық ақпараттық ресурстардың, ақпараттық жүйелердің және ақпараттық-коммуникациялық инфрақұрылымның сыртқы және ішкі қатерлерден қорғалу жай-күйі.

2.12. Төлем ұйымының ақпараттық-коммуникациялық инфрақұрылымы (бұдан әрі – ақпараттық инфрақұрылым) – электрондық ақпараттық ресурстарды қалыптастыру және оларға қол жеткізуді ұсыну мақсатында технологиялық ортаның жұмыс істеуін қамтамасыз етуге арналған ақпараттық-коммуникациялық инфрақұрылым объектілерінің жиынтығы.

2.13. Төлем ұйымының ақпараттық активі – ақпараттың және оны сақтау және (немесе) өңдеу үшін пайдаланылатын ақпараттық-коммуникациялық инфрақұрылым объектісінің жиынтығы.

2.14. Ақпараттық қауіпсіздік оқиғасы (оның ішінде ақпараттық жүйелердегі бұзушылықтар мен іркілістер, бұдан әрі – ақпараттық қауіпсіздік оқиғасы) – ақпараттық-коммуникациялық инфрақұрылымның немесе оның жекелеген объектілерінің жұмысында жеке немесе топтасып туындайтын, олардың тиісінше жұмыс істеуіне қатер төндіретін және (немесе) төлем ұйымының электрондық ақпараттық ресурстарын заңсыз алу, көшіру, тарату, өзгерту, жою немесе бұғаттау үшін жағдай жасайтын іркілістер.

2.15. Электрондық ақшаны пайдалану – азаматтық-құқықтық мәмілелер бойынша төлем жасау және (немесе) электрондық ақшаға меншік құқығының ауысуына байланысты өзге де операцияларды жүзеге асыру мақсатында электрондық ақшаны Жүйеге қатысушының біреуінен екіншісіне беру.

2.16. Төлемдер жүргізу тарихы – электрондық ақша иесінің жеке кабинетіндегі, Жүйеде электрондық ақша иесі жүргізген төлемдер мен электрондық ақшаны пайдалана отырып жасалған өзге де операциялар туралы хронологиялық жазбаны қамтитын бөлім.

2.17. ЭА айырбастау/айырбастау – айырбастау арқылы алынған электрондық ақшаны басқа төлем ұйымдарының электрондық әмияндарында көрсете отырып, бір төлем сервисінің электрондық ақшасын басқа төлем сервисінің электрондық ақшасына жүйеішілік аудару. Егер мұндай қызмет төлем ұйымы шеңберінде көрсетілетін болса, бұл туралы ақпарат төлем ұйымының интернет-ресурсында қосымша орналастырылады.

2.18. Клиент – тиісті құқық қабілеттілігіне және әрекет қабілеттілігіне ие, Жүйені пайдалана отырып төлемдер жүзеге асыратын жеке тұлға, сондай-ақ төлем қызметтерін Жүйені пайдалану арқылы көрсетуге негіз болатын жария оферталардың, қызметті жүзеге асыру қағидаларының, Жүйеге қосылу шарттарының талаптарын қабылдаған деп танылатын тұлға. Сондай-ақ Қазақстан Республикасының заңнамасына сәйкес төлем қызметтерін көрсету туралы шарт жасасуға бағытталған конклюденттік әрекеттер жасаған заңды тұлға/жеке кәсіпкер Клиент деп танылады және белгіленген жағдайларда, өзара іс-қимылға қарай, өзінің есептік жазбасын басқару және Қағидаларда көзделген төлем қызметтерін төлем ұйымының кейіннен көрсетуі мақсатында Жүйеге қол жеткізуге арналған аутентификациялық деректерге ие болады.

2.19. Жеке кабинет – төлем ұйымының интернет-ресурсындағы электрондық ақша иесінің дербес бөлімі, ол арқылы электрондық ақша иесі өзінің электрондық әмиянына қол жеткізіп, электрондық ақшаның қалдығы, ол бойынша жүргізілген операциялар туралы қажетті ақпаратты ала алады, осы Қағидаларда және жасалған шарттарда көзделген тәртіппен электрондық ақшаны пайдалана отырып төлемдер мен өзге де операцияларды жүзеге асыра алады. Электрондық ақша иесінің жеке кабинеті арқылы көрсетілетін қызметтердің тізбесін төлем ұйымы белгілейді.

2.20. Логин – Жүйеде электрондық ақша иесінің шартты атауын білдіретін және оның жеке кабинетке қол жеткізу үшін авторизациялануы мақсатында пайдаланылатын бірегей таңбалар тізбегі.

2.21. Халықаралық төлем жүйесі – осы жүйенің төлем құралдарының бірыңғай стандарттарын пайдалана отырып, әртүрлі елдердің банктері арасындағы есеп айырысу жүйесі.

2.22. Электрондық ақша жүйесінің операторы/Оператор – электрондық ақша жүйесінің жұмыс істеуін қамтамасыз ететін, оның ішінде электрондық ақшаны пайдалана отырып операцияларды жүзеге асыру кезінде қалыптастырылатын ақпаратты жинауды, өңдеуді және беруді жүзеге асыратын төлем ұйымы болып табылатын «FFIN Payments» жауапкершілігі шектеулі серіктестігі. Электрондық ақшамен операциялар – эмиссиялау (оны Банк-эмитент жүзеге асырады), тарату, пайдалану және өтеу.

2.23. Ақпараттық қауіпсіздікті қамтамасыз ету – төлем ұйымының ақпараттық активтерінің құпиялылығы, тұтастығы және қолжетімділігі жай-күйін қолдауға бағытталған процесс.

2.24. Оферта – төлем ұйымының интернет-ресурстарында орналастырылған, электрондық ақшаны өткізу, сондай-ақ электрондық ақшаны пайдалана отырып қолма-қол ақшасыз төлемдер жүргізу бойынша төлем қызметтерін көрсетуге арналған жария ұсыныс.
Осы Қағидалар шеңберінде клиент электрондық нысанда бастамашылық жасаған төлемдерді өңдеу және төлемді және (немесе) аударымды жүзеге асыру не осы төлемдер бойынша ақшаны қабылдау үшін қажетті ақпаратты банкке, банктік операциялардың жекелеген түрлерін жүзеге асыратын ұйымға беру бойынша төлем қызметін көрсету мақсатында төлем ұйымының интернет-ресурсында орналастырылған «ASIAPAY» жүйесіне қосылу шарты пайдаланылады.

2.25. Құпиясөз – төлем ұйымының қызметтеріне қол жеткізуге арналған, тек электрондық ақша иесіне ғана белгілі бірегей таңбалар тізбегі.

2.26. Электрондық ақшаны өтеу – Эмитенттің электрондық ақша иесі ұсынған не Қазақстан Республикасының заңдарында көзделген жағдайларда иесі ұсынбай-ақ айырбастауға жататын өзі шығарған электрондық ақшаны олардың атаулы құнына тең ақша сомасына айырбастауды жүзеге асыруын көздейтін Электрондық ақша Банк-эмитентінің қызметі.

2.27. Серіктес – төлем ұйымы жүйесінің электрондық ақшасын өздері жеткізетін тауарлар, орындайтын жұмыстар және/немесе көрсететін қызметтер үшін төлем ретінде қабылдайтын заңды тұлғалар, жеке кәсіпкерлер және өзге де тұлғалар.

2.28. Төлем ұйымының бағдарламалық-техникалық құралдары – Жүйеге қатысушыларға электрондық ақшамен операциялар жүргізу үшін сервистер ұсынуды қамтамасыз ететін төлем ұйымының бағдарламалық-техникалық құралдары.

2.29. Төлемді/аударымды алушы – төлем ұйымымен жеке шарт жасасқан және оның пайдасына Клиент Тауарлар құнын төлеу есебінен төлем жүзеге асыратын заңды тұлға немесе жеке кәсіпкер ретінде тіркелген жеке тұлға, не Клиенттен кәсіпкерлік қызметке байланысты емес ақшаны қабылдайтын жеке тұлға.

2.30. Ақпараттық-коммуникациялық инфрақұрылымды қорғау периметрі – төлем ұйымының ақпараттық-коммуникациялық инфрақұрылымын сыртқы ақпараттық желілерден бөліп тұратын және ақпараттық қауіпсіздік қатерлерінен қорғауды қамтамасыз ететін бағдарламалық-аппараттық құралдардың жиынтығы.

2.31. Қауіпсіздік рәсімдері – электрондық ақша иесінің электрондық ақшаны пайдалану құқықтарын куәландыруға және электрондық ақшаны пайдалану кезінде берілетін және алынатын электрондық хабарламалардың мазмұнындағы қателерді және/немесе өзгерістерді анықтауға арналған ақпаратты қорғаудың ұйымдастырушылық шаралары мен бағдарламалық-техникалық құралдарының жиынтығы.

2.32. Қызмет көрсетуші (мерчант) – үшінші тұлғаларға тауарларды, жұмыстарды және/немесе қызметтерді өткізу бойынша қызмет көрсететін, төлем ұйымымен төлем қызметтерін көрсетуге тиісті шарттар жасасқан сауда және сервис кәсіпорны.

2.33. «ASIAPAY» жүйесі / Жүйе – осы Қағидалар шеңберінде белгіленген төлем қызметтері бойынша есеп айырысуларға қатысушылар арасында ақпараттық-технологиялық өзара іс-қимылды қамтамасыз ететін бағдарламалық-техникалық құралдардың, құжаттаманың және ұйымдастырушылық-техникалық іс-шаралардың жиынтығы.

2.34. Жүйенің есеп айырысуға қатысушылары/Қатысушылар – төлем ұйымының Қағидаларын сақтауға міндеттеме қабылдаған Эмитент, өкіл, төлем ұйымы, он алты жасқа толған жеке тұлғалар (резиденттер мен резидент еместер) және серіктестер.

2.35. Ақпараттық қауіпсіздік қатері – ақпараттық қауіпсіздік оқиғасының туындауына алғышарттар жасайтын жағдайлар мен факторлардың жиынтығы.

2.36. Электрондық ақша/ЭА – электрондық нысанда сақталатын және төлем ұйымы жүйесінде қатысушылар төлем құралы ретінде қабылдайтын Эмитенттің сөзсіз және қайтарып алынбайтын ақшалай міндеттемелері. Электрондық ақша Қазақстан Республикасының ұлттық валютасы – теңгемен номинацияланады.

2.37. Электрондық әмиян – электрондық ақша сақталатын және/немесе оларға қол жеткізуді қамтамасыз ететін, төлем ұйымында ашылатын микропроцессор (чип), дербес компьютердің бағдарламалық қамтамасыз етуі немесе өзге де бағдарламалық-техникалық құрал.

2.38. Электрондық хабарлама – Жүйеге қатысушылар арасында қорғалған байланыс арнасы бойынша берілетін, электрондық тәсілмен жасалған кез келген хабарлама.

2.39. Банк-эмитент – есеп айырысуға қатысушылар электрондық ақшаны пайдалана отырып жүргізген операциялар бойынша Электрондық ақшаны шығару және өтеу туралы Оператормен шарттық қатынастары бар банк.

3.1. Электрондық ақшаны өткізу (тарату) жөніндегі қызметтер:
Электрондық ақшаны өткізу (тарату) жөніндегі қызметтерді Жүйе операторы ретінде әрекет ететін төлем ұйымы төлем ұйымы мен электрондық ақшаның Банк-эмитенті арасында жасалатын электрондық ақшаны шығару және өтеу туралы шарт негізінде көрсетеді. Көрсетілген шарттың талаптарына сәйкес төлем ұйымы Жүйе операторының функцияларын орындайды және Жүйеге қатысушылардың электрондық ақшаны Банк-эмитенттен сатып алуын, сондай-ақ оларды пайдалана отырып операцияларды жүргізуді қамтамасыз ету жөніндегі қызметті жүзеге асырады.
Электрондық ақшамен операцияларды қамтамасыз ету мақсатында төлем ұйымы электрондық ақша өкілдерімен ақпараттық-технологиялық өзара іс-қимыл туралы шарттарды қосымша жасасуға құқылы. Осындай шарттардың негізінде өкілдер Жүйенің есеп айырысуға қатысушылары мәртебесін иеленеді және Жүйе шеңберінде электрондық ақшаны сатып алу, өткізу, сондай-ақ өтеуге жіберу мүмкіндігін алады. Бұдан басқа, төлем ұйымы Банк-эмитентпен жасалатын төлем қызметтерін көрсету туралы шарттар негізінде Электрондық ақша жүйесінің өкілі ретінде де әрекет ете алады және Заңға сәйкес Банк-эмитенттен және иелері болып табылатын жеке тұлғалардан электрондық ақшаны кейіннен Клиенттерге – жеке тұлғаларға өткізу үшін сатып алу жөніндегі қызметті жүзеге асырады.
Осы Қағидаларда белгіленген, есеп айырысуға қатысушылар арасындағы электрондық ақшаны өткізу және тарату бөлігіндегі құқықтық қатынастар Заң талаптарымен және Банк-эмитент пен Оператор, Оператор мен өкілдер, Оператор мен Клиенттер арасында белгіленген шарт талаптарымен реттеледі. Соңғы құқықтық қатынастар https://asiapay.kz/ сайтында орналастырылған Оферта негізінде реттеледі.

3.2. Электрондық ақшаны пайдалана отырып жасалатын төлемдерді қабылдау және өңдеу жөніндегі қызметтер:
Электрондық ақшаны пайдалана отырып төлемдер Қазақстан Республикасының қолданыстағы заңнамасының талаптарын сақтай отырып жүзеге асырылады.
Электрондық ақшаны пайдалана отырып жүргізілетін барлық есеп айырысулар электрондық ақша иесінің азаматтық-құқықтық мәмілелер бойынша төлемдерді және (немесе) электрондық ақшаға меншік құқығының ауысуына байланысты өзге де операцияларды жүзеге асыру мақсатында электрондық ақшаны Жүйенің басқа қатысушысына беруі болып табылады. Электрондық ақша жүйесінің Операторы электрондық ақшаны пайдалана отырып операцияларды жүзеге асыру кезінде қалыптастырылатын ақпаратты жинауды, өңдеуді және беруді қамтамасыз етеді. Төлем қызметтерін көрсету мақсатында Оператор қызмет көрсетушілермен шарттар жасайды. Электрондық ақшаны шығару және өтеу процестерінің үздіксіздігін қамтамасыз ету үшін Оператор электрондық ақшаның Банк-эмитентімен шарттық қатынастарда болуға міндетті. Бұдан басқа, Оператор Жүйе Клиенттерінің электрондық ақшаны сатып алу және өткізу мүмкіндігін қамтамасыз ететін электрондық ақша өкілдерімен өзге де ақпараттық-технологиялық өзара іс-қимыл туралы шарттар жасасуға құқылы.

3.3. Клиент электрондық нысанда бастамашылық жасаған төлемдерді өңдеу және төлемді және (немесе) аударымды жүзеге асыру не осы төлемдер бойынша ақшаны қабылдау үшін банкке, банктік операциялардың жекелеген түрлерін жүзеге асыратын ұйымға қажетті ақпаратты беру жөніндегі қызметтер:
Қызметтер Банк-эквайермен жасалған жекелеген шарттар негізінде төлем ұйымымен көрсетіледі. Осындай шарт шеңберінде төлем ұйымы Клиенттің төлем карталарын пайдалана отырып бастамашылық жасаған төлем туралы ақпаратты, төлем мақсатының деректемелерін және түпкілікті бенефициарды көрсете отырып, өңдеуді жүзеге асырады. Төлем ұйымы төлемді тиісті банк-эквайердің пайдасына орындау үшін төлем деректемелерін беруді қамтамасыз етеді. Банк-эквайер, өз кезегінде, төлем ұйымы арқылы электрондық нысанда берілген Клиенттің нұсқауын орындайды және түпкілікті бенефициардың пайдасына төлемді нақты есептен шығару мен есепке алуды жүзеге асырады.

4.1. Электрондық ақшаны өткізу (тарату) жөніндегі қызметті көрсету тәртібі:
4.1.1. Электрондық ақшаны сатып алу үшін Клиент электрондық әмиянды тіркеуі қажет. Тіркеу абоненттік телефон нөмірі бойынша жүргізіледі.
4.1.2. Электрондық әмиянды тіркеу үшін Клиент төлем ұйымының сайтында орналастырылған төлем ұйымы Офертасының талаптарымен танысуы қажет және осы талаптармен келіскен жағдайда Клиент Офертаны толық және сөзсіз акцептейді.
4.1.3. Электрондық әмиянды тіркеу жөніндегі әрекеттерді жасай отырып, Клиент Офертаның талаптарын, сондай-ақ төлем ұйымының Электрондық ақша жүйесі шеңберінде электрондық ақшаны пайдалана отырып қолма-қол ақшасыз төлемдер жасау жөніндегі қызметтерді көрсету туралы Офертаның талаптарын толық көлемде және ешқандай ескертусіз қабылдайды.
4.1.4. Клиенттің Жүйеде электрондық әмиянын тіркеу, сондай-ақ электрондық ақшаны сатып алу және кейіннен электрондық әмиян теңгерімін толықтыру Клиенттің электрондық әмиянды төлем агенттерінің/субагенттерінің электрондық терминалдары, банкоматтар, қаржылық интернет-порталдар арқылы, сондай-ақ төлем карталарын және өзге де электрондық төлем тәсілдерін пайдалану арқылы толықтыру жолымен, тізбесі Жүйе сайтында орналастырылған тәсілдермен, мынадай тәртіппен жүзеге асырылуы мүмкін:
4.1.4.1. Электрондық ақшаны шығаруды электрондық ақша эмитенті Клиенттен немесе өкілдерден өзіне қабылдайтын міндеттемелердің атаулы құнына тең сомада ақша алғаннан кейін жүзеге асырады.
4.1.4.2. Электрондық ақшаны Клиентке өткізу сәтінде Клиентке сауда чегі беріледі.
4.1.5. Сауда чегінде мынадай деректемелер болады:

• эмитенттің атауы мен деректемелері, оның ішінде оның бизнес-сәйкестендіру нөмірі;
• операция жасалған уақыты мен күні;
• түбіртектің реттік нөмірі;
• электрондық ақша иесінен қабылданған ақша немесе келіп түскен төлемдер сомасы;
• шығарылған электрондық ақша сомасы;
• жеке тұлға болып табылатын электрондық ақша иесінің электрондық әмиянының сәйкестендіру коды;
• комиссиялық сыйақы мөлшері (алынған жағдайда).

Сауда чегінде электрондық ақша Банк-эмитенті белгілеген қосымша деректемелерді көрсетуге жол беріледі.
4.1.6. Электрондық ақша Клиентке Клиенттің электрондық әмиянындағы қолжетімді қалдық туралы ақпарат көрсетілген сәттен бастап өткізілді деп есептеледі.
4.1.7. Төлем қызметін көрсету мерзімі – Клиенттерден, электрондық ақшадан ақша алынған сәттен бастап 1 (бір) жұмыс күні.
4.2. Электрондық ақшаны пайдалана отырып жасалатын төлемдерді қабылдау және өңдеу жөніндегі қызметті көрсету тәртібі:
4.2.1. Электрондық ақша жүйесінде төлем ұйымы Электрондық ақша жүйесінің Операторы болып табылады. Офертаға сәйкес Электрондық ақша жүйесінің Операторы Клиенттерге электрондық ақшаны пайдалана отырып жасалатын төлемдерді қабылдау және өңдеу жөніндегі қызметтер көрсетеді.
4.2.2. Төлем қызметін алу үшін Клиент Электрондық ақша жүйесінде тіркелуден өтіп, электрондық ақшаны сатып алуы қажет. Клиенттің есептік жазбасы Электрондық ақша жүйесінде тіркелгеннен және электрондық ақша сатып алынғаннан кейін Клиент Электрондық ақша жүйесін пайдалануға, оның ішінде төлемдер жасау мақсатында есептік жазба теңгеріміне қол жеткізуге құқылы.
4.2.3. Төлемдерді Клиент электрондық ақша эмитенті Банктің атына Электрондық ақша жүйесі арқылы нақты Төлем алушының пайдасына төлем жасау туралы электрондық нысандағы электрондық ақшаны пайдалану жөніндегі өкімді қалыптастыру, куәландыру және беру арқылы жүзеге асырады.
4.2.4. Өкімді қалыптастыру үшін Клиент төлем деректемелерін ұсынады, оның ішінде:

• электрондық ақшаны пайдалана отырып төлем жасалатын Төлем алушы туралы;
• төлем мақсатын сәйкестендіретін төлем деректемелері туралы (мысалы, Клиент пен Төлем алушы арасындағы шарттың нөмірі мен күні, төлем жасалған сәтте ұсынылуға тиіс өзге де деректемелер);
• төлем сомасы және т.б.
• төмендегі тәсілдердің бірімен:
• Сайттағы тиісті нысанды толтыру арқылы;
• төлем агентінің/субагентінің электрондық терминалындағы тиісті нысанды толтыру арқылы;
• Электрондық ақша жүйесінің мобильді қосымшасын пайдалана отырып мобильді құрылғыдағы тиісті нысанды толтыру арқылы.

4.2.5. Төлем жасау туралы өкімді куәландыруды Клиент өзі белгілеген Электрондық ақша жүйесінің баптауларына қарай мынадай тәсілдермен жүзеге асырады:

• Клиенттің есептік жазбасы тіркелген кезде берілген Аутентификациялық деректерді Клиенттің енгізуі арқылы;
• Клиенттің есептік жазбасы тіркелген кезде берілген Аутентификациялық деректерді Клиенттің енгізуі, сондай-ақ төлем ұйымының бағдарламалық құралдары абоненттік нөмірге жіберген/берген растау кодын енгізуі арқылы;
• төлемдерді хабарлама арқылы растау көмегімен командаларды пайдалану арқылы.

4.2.6. Дұрыс Аутентификациялық деректерді, Растау кодтарын енгізу немесе төлемдерді хабарлама арқылы растау көмегімен командаларды пайдалану тараптармен жасалған төлемдердің бірмәнді және даусыз растамасы ретінде танылады.
4.2.7. Клиент есептік жазбаны авторизациялау және Электрондық ақша жүйесін пайдалану мақсатында беретін электрондық хабарламаларда Аутентификациялық деректерді, өкімдерді қалыптастыру және жіберу мақсатында берілген растау кодтарын, хабарлама арқылы растау көмегімен берілген командаларды пайдалану Қазақстан Республикасының заңнамасының талаптарына сәйкес қолтаңбаны қолданумен тең заңдық салдар туындатады, ал Оферта талаптарында жасалған Қызметтер көрсету туралы шартты орындауға байланысты және жоғарыда көрсетілген тәсілдердің кез келгенімен куәландырылған барлық құжаттар жазбаша нысандағы құжаттар деп танылады.
4.2.8. Клиент енгізген Аутентификациялық деректердің, Растау кодтарының немесе хабарлама арқылы растау көмегімен берілген командалардың дұрыстығын, сондай-ақ Клиенттің есептік жазбасы теңгеріміндегі электрондық ақшаның төлем жасау үшін жеткілікті екенін тексергеннен кейін төлем ұйымы Клиент өкімде көрсеткен ақпаратты Эмитентке береді, сондай-ақ Клиентті электрондық ақша эмитентінің тиісті өкімді орындауға қабылдағаны немесе орындаудан бас тартқаны туралы хабардар етеді.
4.2.9. Эмитенттің Клиенттің төлем жасау туралы өкімдерін орындауы Жүйе шеңберінде Электрондық ақшаны пайдалана отырып қолма-қол ақшасыз төлемдер жасау жөніндегі қызметтерді көрсету туралы Офертада белгіленген талаптарда жүзеге асырылады.
4.2.10. Төлем ұйымы Офертада көзделген конклюденттік әрекеттерді жасау арқылы Клиент қосылған Қызметтер көрсету туралы шарт бойынша тараптардың өзара құқықтары мен міндеттемелерінің туындауын, өзгеруін немесе тоқтатылуын электрондық есепке алу тізілімінде тіркеуге міндеттенеді.
4.2.11. Әрбір төлемнің жасалғаны туралы Клиентті хабардар ету Клиентке Жүйе сайтында қолжетімді етілген Клиенттің есептік жазбасындағы «Есептер» бөлімінде ақпаратты орналастыру арқылы жүргізіледі. Клиент «Есептер» бөліміндегі ақпаратты күніне кемінде 1 (бір) рет тексеруге міндеттенеді. Егер Клиент Жүйе сайтындағы «Есептер» бөлімінде төлемдер туралы ақпаратты тексермесе, Клиент операция туралы ақпарат алмағанына байланысты төлем ұйымы жауапты болмайды. Клиент Офертаны акцептеу арқылы Жүйе сайтындағы «Есептер» бөлімінде төлем туралы ақпарат орналастырылған сәттен бастап төлем ұйымының Клиентті хабардар ету жөніндегі міндеттемесі тиісінше орындалды деп танитынын және растайтынын мойындайды.
4.2.12. Төлем ұйымы сондай-ақ Клиенттің есептік жазбасын тіркеу кезінде көрсетілген абоненттік нөмірге Клиенттің есептік жазбасын толықтыру операциялары және есептен шығару операциялары (төлем ұйымының пайдасына төлемдерді қоспағанда) туралы SMS-хабарламалар жібере алады.
4.3. Электрондық ақшаны төлем ретінде қабылдайтын тауарларды/жұмыстарды/қызметтерді жеткізуші Серіктестерді Электрондық ақша жүйесінде тіркеу:
4.4. Заңды тұлғаның және/немесе жеке кәсіпкердің (бұдан әрі – Серіктес) электрондық ақшаны төлем ретінде қабылдауы үшін Серіктес пен төлем ұйымы арасында келісілген нысан бойынша төлем ұйымымен электрондық ақшаны қабылдау жөніндегі Серіктестік туралы шарт жасалады.
4.5. Серіктесті Электрондық ақша жүйесінде тіркеу үшін Серіктес мынадай әрекеттерді жүзеге асырады:

• Электрондық ақша жүйесіне қосылуға арналған қызмет көрсетушінің сауалнамасын толтырады;
• Сауалнама берілгеннен кейін Серіктес пен төлем ұйымы арасында шартты келісу және оған қол қою рәсімі жүргізіледі.
• Серіктеске берілген бірегей сәйкестендіргіш негізінде оны Электрондық ақша жүйесіне қосу жүзеге асырылады.

4.6. Электрондық ақша эмитенті үшін статистикалық және өзге де есептілікті қалыптастыру тәртібі:
4.6.1. Төлем ұйымы күн сайын Эмитентке электрондық ақшамен жасалған операциялар туралы ақпаратты қамтитын мынадай кіріс файлдар мен есептер жиынтығын береді:
1) Операцияларды автоматтандырылған есепке алуға арналған кіріс файлдар (тізілімдер):

• Электрондық ақша жүйесінде жүргізілген операциялардың егжей-тегжейлі файлы;
• провайдердің/өкілдің коды бойынша егжей-тегжейлеумен контрагенттер бойынша жиынтық сомалар файлы;
• операция коды мен шарттың бірегей сәйкестендіргіші бойынша операциялардың егжей-тегжейлі файлын топтастыру нәтижесінде қалыптасатын контрагенттер бойынша жиынтық сомалар файлы;
• Жүйе сайты немесе төлем агенттерінің/субагенттерінің электрондық терминалдары арқылы Клиенттер ресімдеген төлем тапсырмаларының файлы;
• Клиенттер ресімдеген төлем тапсырмаларын топтастыру арқылы қалыптастырылған жиынтық төлем тапсырмаларының файлы;
• әмияндар бойынша айналымдар мен қалдықтар файлы;

2) Есептер:

• тауарлар мен қызметтерге ақы төлеу операциялары және әмиянды толықтырулар бойынша контрагенттермен есеп айырысу туралы адам оқи алатын форматтағы есеп (контрагенттер бойынша жиынтық сомалар файлының мазмұнын қайталайды);
• жиынтық төлем тапсырмалары бойынша (несиелерді өтеу) адам оқи алатын форматтағы есеп (жиынтық төлем тапсырмалары файлының мазмұнын қайталайды);
• әмияндар бойынша қалдықтар мен айналымдар туралы есеп.

4.6.2. Тоқсан сайын Қазақстан Республикасының Ұлттық Банкі үшін Қазақстан Республикасы Ұлттық Банкінің нормативтік құқықтық актілерінде белгіленген талаптарға сәйкес қалыптастырылатын есеп те жасалып, беріледі.
4.7. Электрондық ақша жүйесінде электрондық әмияндарды көрсету тәртібі (ақша және ақпарат ағындарының схемасы):
4.7.1. Төменде келтірілген Электрондық ақша жүйесіне қатысушылар арасындағы ақша және ақпарат ағындарының қозғалысы схемасына сәйкес электрондық ақшаны шығаруды (эмиссиялауды) Эмитент Клиенттерден (жеке тұлғалардан, өкілдерден, жеке кәсіпкерлерден және заңды тұлғалардан), Қағидаларға сәйкес Электрондық ақша жүйесінде тіркелу шартымен, ақша алғаннан кейін жүзеге асырады.
4.7.2. Клиентке электрондық ақшаны шығаруды Эмитент Клиент қолма-қол ақшасыз аудару арқылы төлем жасағаннан кейін жүзеге асырады.
4.7.3. Ақша енгізу немесе аудару кезінде Клиент Электрондық ақша жүйесінде ашылған және өзі сатып алатын электрондық ақша есепке алынатын Электрондық әмиянның нөмірін көрсетеді.
4.7.4. Үшінші тұлғалар Клиенттің Электрондық шотына электрондық ақшаны есепке алу үшін ақша енгізген жағдайда, сатып алынған/өтеусіз алынған электрондық ақшаға қатысты құқықтар мен міндеттер электрондық әмиянның иесі болып табылатын Клиентте туындайды. Бұл әрекеттер электрондық әмиян иесінің мүддесі үшін үшінші тұлғалар жасаған әрекеттер ретінде бағаланады.
4.7.5. Эмитент өз баланстық шотында көрсетілген Клиенттерден қабылданған ақшаның жалпы сомасының Электрондық ақша жүйесіндегі Эмитенттің позициясындағы электрондық ақша сомасына сәйкестігін қамтамасыз етеді.
4.7.6. Клиенттің электрондық ақшасы Электрондық әмиянда қолжетімді электрондық ақша сомасы туралы ақпарат көрсетілген сәттен бастап Эмитентпен шығарылған деп есептеледі.
4.7.7. Төлем ұйымы Эмитенттен алынған деректерді тексеруді жүзеге асырады және Эмитенттің электрондық хабарламасында көрсетілген электрондық ақшаны шығару сомасын Электрондық ақша жүйесіндегі Эмитенттің позициясында және Клиенттің Электрондық әмиянында көрсетеді.
4.8. Электрондық ақшаны пайдалану және өтеу:
4.8.1. Электрондық ақшаны оның иесі азаматтық-құқықтық мәмілелер бойынша төлемдер жасау, сондай-ақ Қағидаларда айқындалған және Қазақстан Республикасының заңнамасына қайшы келмейтін өзге де операцияларды жүргізу мақсатында пайдаланады.
4.8.2. Электрондық ақшаны пайдалана отырып төлемдер мен өзге де операцияларды оның Иесі электрондық ақшаның сәйкестендірілген иесінің пайдасына жүзеге асырады.
4.8.3. Иесі сәйкестендірілмеген жеке тұлға болып табылатын электрондық ақша өтеуге және өкілге өткізуге (өкілдің сатып алуына) жатпайды.
4.8.4. Азаматтық-құқықтық мәмілелер жасау кезінде Жүйеде электрондық ақшаны алған Серіктесте Банк-эмитентке қабылданған төлем сомасына ақшалай талап қою құқығы туындайды.
4.8.5. Сәйкестендірілмеген жеке тұлға болып табылатын электрондық ақша иесі жасайтын бір операцияның ең жоғары сомасы республикалық бюджет туралы заңда тиісті қаржы жылына белгіленген айлық есептік көрсеткіштің үш еселенген мөлшеріне тең сомадан аспауға тиіс. (талаптар 2026 жылғы 19 наурыздан бастап қолданысқа енгізілді.)
4.8.6. Сәйкестендірілмеген жеке тұлға болып табылатын электрондық ақша иесінің бір электрондық құрылғысында сақталатын электрондық ақшаның ең жоғары сомасы республикалық бюджет туралы заңда тиісті қаржы жылына белгіленген айлық есептік көрсеткіштің үш еселенген мөлшеріне тең сомадан аспайды. (талаптар 2026 жылғы 19 наурыздан бастап қолданысқа енгізілді.)
Сәйкестендірілмеген жеке тұлға болып табылатын электрондық ақша иесінің электрондық әмиянынан жұмыс күні ішінде электрондық ақшаны пайдалана отырып төлемдердің және (немесе) өзге де операциялардың жалпы сомасы республикалық бюджет туралы заңда тиісті қаржы жылына белгіленген айлық есептік көрсеткіштің үш еселенген мөлшеріне тең сомадан аспауға тиіс. (талаптар 2026 жылғы 19 наурыздан бастап қолданысқа енгізілді.)
4.8.7. Электрондық ақшаны өтеу – Эмитенттің Клиенттер/Серіктестер/өкілдер ұсынған не Қазақстан Республикасының заңдарында көзделген жағдайларда иесі ұсынбай-ақ айырбастауға жататын өзі шығарған электрондық ақшаны олардың атаулы құнына тең ақша сомасына айырбастауын көздейтін төлем қызметі.
4.8.8. Электрондық ақшаны өтеуді Эмитент электрондық ақша иесі болып табылатын жеке тұлға Клиенттің банктік шотына олардың атаулы құнына тең ақша сомасын аудару не оған қолма-қол ақша беру арқылы жүзеге асырады.
4.8.9. Электрондық ақшаны Клиент – электрондық ақша иесінің банктік шотына өтеу үшін мобильді қосымша және/немесе Жүйе сайты арқылы Клиент өтеуге жататын электрондық ақша сомасын және электрондық ақшаны өтеу жүзеге асырылуға тиіс банктік шотты көрсете отырып, электрондық ақшаны өтеу туралы нұсқау қалыптастырады. Төлем ұйымы Клиенттің нұсқауын өтеу рәсімін жүзеге асыру үшін Эмитентке жібереді. Эмитент өтеу алдында электрондық ақша иесі көрсеткен банктік шотты тексеру рәсімін жүзеге асырады:

• егер Банк-эмитент электрондық ақша иесі/клиент нұсқауда көрсеткен деректерді тексеру кезінде банктік шоттың клиентке тиесілі екенін анықтаса, операция сәтті болып есептеледі және эмитент клиенттің банктік шотына электрондық ақшаны өтейді;
• егер Банк-эмитент Клиент нұсқауда көрсеткен деректерді тексеру кезінде банктік шоттың Клиентке тиесілі емес екенін анықтаса, электрондық ақшаны өтеу жүргізілмейді. Клиентке электрондық ақша иесі мен банктік шот иесінің сәйкестендіру деректерінің сәйкес келмеуіне байланысты электрондық ақшаны өтеу операциясының аяқталмағаны туралы хабарлама жіберіледі.

4.8.10. Сәйкестендірілмеген электрондық ақша иелеріне электрондық ақшаны өтеу операциялары қолжетімсіз. Клиент электрондық ақшаны өтеу операциясын бастамашылық жасаған жағдайда, Клиентке мұндай операцияны жүргізу мүмкін еместігі туралы, электрондық ақша иесі толық сәйкестендіруден өту үшін жүгіне алатын мекенжайлар көрсетілген және толық сәйкестендіру рәсімінен өту туралы ұсынысы бар хабарлама жіберіледі (төлем ұйымы тарапында жеке келу арқылы) немесе ақша аударымдарының банкаралық жүйесінің операциялық орталығынан алынған қолжетімді дереккөздер мәліметтері негізінде қашықтан сәйкестендіру арқылы. Электрондық ақша иесін сәйкестендіруді электрондық ақша эмитенті және (немесе) электрондық ақша жүйесінің Операторы электрондық ақша иесінің жеке қатысуы және оның жеке басын куәландыратын құжатты ұсынуы арқылы не ақша аударымдарының банкаралық жүйесінің операциялық орталығынан алынған қолжетімді дереккөздер мәліметтері негізінде қашықтан сәйкестендіру арқылы жүзеге асырады. Электрондық ақша эмитенті жеке тұлға электрондық ақшаны республикалық бюджет туралы заңда тиісті қаржы жылына белгіленген айлық есептік көрсеткіштің үш еселенген мөлшерінен асатын сомаға сатып алған жағдайда, оны сәйкестендіруге міндетті.
4.8.11. Эмитент алынған деректерді салыстырып тексеруді жүзеге асырады, сондай-ақ төлем ұйымына Клиенттің осы өтініші бойынша электрондық ақшаны өтеу туралы хабарлама жібереді.
4.8.12. Электрондық ақшаны өтеу кезінде берілетін ақша сомасы өтеуге ұсынылған электрондық ақша сомасына сәйкес келуге тиіс.
4.8.13. Электрондық ақша иесі болып табылатын жеке тұлғаның банктік шотының немесе электрондық төлем құралының осы жеке тұлғаға тиесілі екені туралы растауды алмай, электрондық ақшаны сол банктік шотқа немесе электрондық төлем құралына ақша аудару арқылы өтеуді жүзеге асыруға тыйым салынады.
4.9. Электрондық ақша жүйесінде электрондық әмиянды жабу тәртібі
4.9.1. Клиент мобильді қосымшада және/немесе Жүйе сайтында Электрондық әмиянды жапқан кезде, Оператор электрондық ақша бойынша рұқсат еткен шығару тәсілі көрсетіле отырып, Электрондық әмиянды жабу туралы нұсқау қалыптастырылады. Егер Клиент сәйкестендірілмеген болса және ол электрондық ақшаны өтеуді кейіннен электрондық әмиянды жабумен жүзеге асырғысы келсе, оған сәйкестендіру рәсімінен өту қажет, себебі электрондық ақшаны сәйкестендірілмеген электрондық ақша иесінің пайдасына өтеуге жол берілмейді. Осындай рәсімнен өткеннен кейін Клиент Электрондық әмиянды жабу және жоғарыда көрсетілген тәсілдермен электрондық ақшаны шығару туралы нұсқау жібереді. Электрондық ақшаны өтегеннен кейін төлем ұйымы Жүйеде Клиенттің Электрондық әмиянды жабу туралы нұсқауын өңдейді.
4.9.2. Клиенттің Электрондық әмиянында электрондық ақша болмаған жағдайда, Қазақстан Республикасының заңнамасы Электрондық әмиянды жабу үшін сәйкестендіру рәсімінен өтуді талап етпейді.
4.10. Электрондық ақша иесі – жеке тұлғаны сәйкестендіру:
4.10.1. Жүйедегі сәйкестендіру жеке тұлғаны толық сәйкестендіру рәсімін білдіреді. Заң талаптарына сәйкес электрондық ақша эмитенті жеке тұлға электрондық ақшаны республикалық бюджет туралы заңда тиісті қаржы жылына белгіленген айлық есептік көрсеткіштің үш еселенген мөлшерінен асатын сомаға сатып алған жағдайда, оны сәйкестендіруге міндетті. Электрондық ақша иесін сәйкестендіруді электрондық ақша эмитенті және (немесе) электрондық ақша жүйесінің операторы электрондық ақша иесінің жеке қатысуы және оның жеке басын куәландыратын құжатты ұсынуы арқылы не ақша аударымдарының банкаралық жүйесінің операциялық орталығынан алынған қолжетімді дереккөздер мәліметтері негізінде қашықтан сәйкестендіру арқылы жүзеге асырады.
4.10.2. Сәйкестендіру мынадай шараларды қамтиды:

• ақшамен немесе өзге мүлікпен операцияны жүзеге асыратын жеке тұлғаны сәйкестендіру үшін қажетті мәліметтерді тіркеу: оның жеке басын куәландыратын құжат деректері, жеке сәйкестендіру нөмірі, сондай-ақ заңды мекенжайы;
• ақшамен немесе өзге мүлікпен операцияны жүзеге асыратын заңды тұлғаны сәйкестендіру үшін қажетті мәліметтерді тіркеу: құрылтай құжаттарының деректері, бизнес-сәйкестендіру нөмірі, сондай-ақ орналасқан жерінің мекенжайы.

4.10.3. Төлем қызметін көрсету мерзімі – төлем қабылданған күннен кейінгі 1 (бір) жұмыс күні ішінде.
4.10.4. Қазақстан Республикасы Ұлттық Банкі Басқармасының 2022 жылғы 28 ақпандағы №11 «Төлем ұйымдары үшін қылмыстық жолмен алынған кірістерді заңдастыруға (жылыстатуға), терроризмді қаржыландыруға және жаппай қырып-жою қаруын таратуды қаржыландыруға қарсы іс-қимыл мақсатында ішкі бақылау қағидаларына қойылатын талаптарды бекіту туралы» қаулысын сақтау шеңберіндегі қосымша талаптар:

• электрондық ақша жүйесінің операторы болып табылатын ұйым бір электрондық ақша жүйесі шеңберінде бір электрондық ақша иесіне үштен артық емес электрондық әмиян ашуға жол береді;
• ұйым бір электрондық ақша жүйесі шеңберінде екі электрондық әмияны бар клиенттер – электрондық ақша иелері операцияларына күшейтілген мониторинг жүргізу жөнінде шаралар қабылдайды.

Электрондық ақшаны пайдалана отырып операцияларды өңдеуді жүзеге асыратын ұйым өзінің автоматтандырылған жүйесінде электрондық ақшаны пайдалана отырып жасалатын әрбір операция параметрлері туралы толық ақпараттың қалыптастырылуын қамтамасыз етеді, оның ішінде мынадай ақпаратты:

1. электрондық ақша жүйесі ішіндегі транзакция сәйкестендіргішін;
2. операцияның күні мен уақытын;
3. жіберуші мен алушының электрондық әмияндары туралы мәліметтерді (бірегей сәйкестендіргіш, иесінің сәйкестендіру мәртебесі);
4. электрондық ақшаны жіберуші туралы мәліметтерді (болған жағдайда);
5. электрондық ақшаны алушы туралы мәліметтерді;
6. операция мақсатының кодын;
7. үшінші тұлғалардың қызметтерін төлеу үшін электрондық ақша жүйесінде қызмет көрсетушілер ретінде ұсынылмаған тұлғалардың пайдасына жіберушіден электрондық ақша аударымы жүзеге асырылатын төлем қызметтерін жеткізушінің (төлем делдалының), оның ішінде шетелдік төлем делдалының атауын;
8. электрондық ақшаны өтеу туралы мәліметтерді (банк, банктік шот нөмірі).

Жіберушіден электрондық ақша жүйесінде қызмет көрсетушілер ретінде ұсынылмаған үшінші тұлғалардың қызметтерін төлеу үшін төлем қызметтерін жеткізушінің (төлем делдалының), оның ішінде шетелдік төлем делдалының пайдасына электрондық ақша аударымы жүзеге асырылған кезде, Ұйым төлем құжатында (чекте, түбіртекте, егжей-тегжейлі жазбада) операцияға қатысушылардың толық тізбегінің көрсетілуін қамтамасыз етуге міндетті.
4.11. Клиент электрондық нысанда бастамашылық жасаған төлемдерді өңдеу және төлемді және (немесе) аударымды жүзеге асыру не осы төлемдер бойынша ақшаны қабылдау үшін банкке, банктік операциялардың жекелеген түрлерін жүзеге асыратын ұйымға қажетті ақпаратты беру жөніндегі қызметті көрсету тәртібі (бұдан әрі – төлемдер):
4.11.1. Төлемдерді өңдеу жөніндегі қызмет мынадай тәртіппен жүзеге асырылады:
4.11.1.1. Төлем ұйымы қызмет көрсетуші Банк-эквайермен жасалған шарт шеңберінде Клиент бастамашылық жасаған, төлем карталарын пайдалану арқылы тиісті төлем мақсатының және тиісті төлем бенефициарының деректемелері көрсетілген төлемдерді өңдеуді, кейіннен төлем бойынша деректемелерді тиісті Банктің пайдасына орындау үшін беруді қамтамасыз етеді, ал Банк өз кезегінде төлем ұйымы арқылы электрондық нысанда берілген Клиенттің нұсқауын орындайды.
4.11.1.2. Клиенттің төлемдерді бастамашылық жасауы WEB-қосымшалар, online-қосымшалар, мобильді қосымшалар (мобильді құрылғыларға арналған қосымшалар), өзіне-өзі қызмет көрсету терминалдарының бағдарламалық қамтамасыз етуі, виджеттер және Клиенттің төлем картасынан ақшаны есептен шығару туралы өкімдерді Клиенттің электрондық нысанда бастамашылық жасау мүмкіндігін қамтамасыз ететін өзге де қосымшалар арқылы, оларды Банк пайдасына есепке алу және Клиенттен төлем ұйымы алған және төлем ұйымы банк-эквайерге берген Клиенттің тапсырмасын/өкімін кейіннен орындау мақсатында жүзеге асырылады.
4.11.1.3. Төлем қызметін көрсету кезінде төлем ұйымы мынадай іс-қимыл алгоритмін қамтамасыз етеді:

• Клиент интернет желісі, мобильді телефон, өзіне-өзі қызмет көрсету терминалы арқылы төлем ұйымының тиісті қосымшасына кіреді;
• Клиент төлем ұйымының тиісті қызметті көрсеткені үшін тарифпен (комиссия мөлшерімен) танысады;
• Клиент төлем қызметін көрсету талаптарымен танысады және тиісті қосымшада орналастырылған Жүйеге қосылу шартының талаптарымен келіседі;
• Клиент қосымшада Қызмет көрсетушінің пайдасына төлемді бастамашылық жасайды;
• Клиент электрондық қосымшаға төлемді банк-эквайердің орындауы үшін деректемелерді енгізеді;
• Төлемді және/немесе ақша аударымын төлеу үшін Клиент төлем картасының, банктік шоттың деректемелерін енгізеді;
• Төлем ұйымы банк-эквайерге сұрау салу арқылы электрондық нысанда алынған Клиенттің өкімін бастамашылық жасайды;
• Банк төлем ұйымынан және Клиенттен растау алғаннан кейін Клиенттің төлем картасынан және/немесе есеп айырысу шотынан Клиент бастамашылық жасаған операция сомасын төлем ұйымының комиссиялық сыйақысын ескере отырып есептен шығарады;
• Төлем ұйымы Банк-эквайерден төлемнің орындалғанын растайтын хабарламаны алады;
• Төлем ұйымы Клиентке клиент операция жасағанын және Клиенттен төлем ұйымының комиссиясы есептен шығарылғанын растайтын электрондық растауды береді;
• Банк транзакция барысында электрондық нысанда алынған деректер негізінде ақша аударымын Қызмет көрсетушінің ағымдағы шотына және/немесе Клиенттің банктік картасына және/немесе IBAN-ына Банктің және Төлем ұйымының комиссиялық сыйақысын шегере отырып жүзеге асырады.
• Банк-эквайердің жасалған төлемдер бойынша Қызмет көрсетушінің ағымдағы шотына, сондай-ақ Қызмет көрсетушіден алынған төлемдер шеңберінде Клиенттің банктік картасына және/немесе IBAN-ына аударуды Банк қызмет көрсетуші Банктің арнайы транзиттік шоты рұқсат ететін валютада жүзеге асырады.

4.11.2. Төлем қызметін көрсету мерзімі – төлем қабылданған күннен кейінгі күннен бастап 1-4 жұмыс күні ішінде.
4.11.3. Төлем операциялары шеңберінде: Төлем операциясы Қызмет көрсетушінің Жүйені пайдалана отырып бастамашылық жасаған, аударым алушының (Қызмет көрсетушінің клиенті болып табылатын жеке тұлғаның) пайдасына ақша аудару туралы нұсқауын төлем ұйымының дәйекті түрде орындауын білдіреді. Төлем операциясын жүзеге асыру үшін Қызмет көрсетуші төлем ұйымының Жүйесі арқылы аударым алушылардың пайдасына аударымдарды бастамашылық жасау мүмкіндігі үшін арнайы транзиттік шотты өзінің ақшасымен толықтырады. Сондай-ақ Қызмет көрсетушінің өзінің бастамасы мен сұрау салуы бойынша төлемдер Қызмет көрсетушінің пайдасына Жүйе арқылы қабылданған төлемдер сомасынан жүзеге асырылуы мүмкін. Түсінбеушіліктерді болдырмау мақсатында төлем ұйымы операциялардың банкпен арнайы транзиттік шотты пайдалану арқылы жүзеге асырылатынын белгілейді. Төлем ұйымы нақты уақыт режимінде Қызмет көрсетушілерден төлемдерге сұрау салуларды қабылдайды және осындай сұрау салу алынғаннан кейін банкке банктің арнайы транзиттік шотынан ақшаны есептен шығару және тиісті аударым алушының төлем картасына ақшаны есепке алу қажеттігі туралы төлем ақпаратын береді. Банк төлем ұйымынан ақпарат алғаннан кейін арнайы транзиттік шоттан аударым алушының төлем картасына ақша аударады. Төлем ұйымы нақты уақыт режимінде Клиенттерді әрбір жүргізілген операцияның нәтижесі туралы хабардар етеді. Төлем операцияларын жүзеге асыру үшін төлем ұйымы банкпен төлем операциясын жүргізу жөніндегі қызметті ұсыну туралы шарт жасасады, соған сәйкес төлем ұйымы Жүйе арқылы Қызмет көрсетушіден алынған және аударым алушының төлем картасының деректемелерін қамтитын төлем ақпаратын банкке беруді қамтамасыз етеді. Іс-қимылдардың жалпы тәртібі:

• Төлем ұйымы Төлем операциясын жүзеге асыру үшін Қызмет көрсетушіге Жеке кабинетке қол жеткізуді ұсынады;
• Қызмет көрсетуші төлем операцияларын жүзеге асыру мақсаттары үшін арнайы транзиттік шотты ақшамен толықтыруды қамтамасыз етеді;
• Қызмет көрсетуші төлем ұйымының байланыс арнасы (api-арна) арқылы деректерді бере отырып, төлем ұйымына төлем жасауға сұрау салу жібереді;
• Төлем ұйымы Қызмет көрсетушіден деректер алғаннан кейін банкпен байланыс арнасы арқылы Банктің Төлем операциясын жүзеге асыруы үшін төлем ақпаратын қалыптастырады; банк арнайы транзиттік шоттан аударым алушының төлем картасына ақша аударады.

5.1. «FFIN Payments» ЖШС төлем ұйымының төлем қызметтері бойынша тарифтері Қағидаларға №1 қосымшада белгіленеді.

6.1. Үшінші тұлғалар – бұл:

• төлем ұйымына қызмет көрсететін немесе төлем ұйымының мүддесінде әрекет ететін;
• төлем ұйымы компаниялар тобына кірмейтін және төлем ұйымының қызметкерлері болып табылмайтын заңды тұлғалар мен жеке кәсіпкерлер.

6.2. Үшінші тұлғаның ақпараттық жүйелерін төлем ұйымының жүйелеріне қосу ақпараттық және/немесе технологиялық қызметтер көрсету туралы жасалған шарттың немесе төлемдерді қабылдау жөніндегі тапсырма шарттарының негізінде жүзеге асырылады, оларда міндетті түрде құпия ақпаратты жария етпеу туралы талаптар қамтылуға тиіс.
6.3. Құпия ақпаратты жария етпеу туралы келісім үшінші тұлғаның ақпараттың құпиялылығын сақтау міндетін, сондай-ақ оған қолжетімді болған құпия ақпаратты жария еткені үшін жауапкершілігін белгілейді.
6.4. Жасалатын шарт немесе құпия ақпаратты жария етпеу туралы келісім үшінші тұлғаның ақпараттық қауіпсіздікті қамтамасыз ету талаптарын орындауына қатысты үлгілік ережелерді ескеруге тиіс. Бұл талаптар кемінде мыналарды қамтуға тиіс:

• ақпараттық қауіпсіздіктің талап етілетін деңгейін сақтау бөлігіндегі міндеттемелер;
• көрсетілген міндеттемелерді бұзғаны үшін жауапкершілік;
• ақпараттық қауіпсіздік оқиғалары және ақпаратты қорғау жүйесіндегі бұзушылықтар туралы хабарлау жөніндегі іс-шаралар.

6.5. Қызмет көрсетушілермен жұмыс істеу кезіндегі өзара іс-қимыл тәртібі:
Төлем ұйымы тұрақты негізде нарықты, бәсекеге қабілеттілікті, тұтынушылық қабілетті талдауды қамтитын маркетингтік зерттеулер жүргізеді. Төлем ұйымының коммерциялық департаменті Жүйеге жаңа Қызмет көрсетушіні енгізу кезінде оның қызметіне экономикалық талдау жүргізеді. Жоғарыда көрсетілген іс-қимылдар жүргізілгеннен және Қызмет көрсетушімен жұмыс істеу туралы оң шешім қабылданғаннан кейін, одан кірістерді заңдастыруға, қарсы іс-қимылға және жылыстатуға қарсы іс-қимыл саласындағы заңнама талаптарына сәйкестігін бағалау шеңберінде барлық қажетті құжаттар сұратылады. Комплаенс тәуекелдері болмаған жағдайда, Қызмет көрсетушіні Жүйеге API техникалық өзара іс-қимыл хаттамасы бойынша қосу үшін техникалық құжаттамамен алмасу жүргізіледі. Қызмет көрсетушіге тиісті қолжетімділіктер берілетін Жеке кабинет ұсына отырып, Жүйеге енгізіледі, онда ол өз пайдасына жүргізілген кез келген операцияларды көруге мүмкіндік алады. Сонымен қатар, Жеке кабинет арқылы Қызмет көрсетуші барлық қажетті тізілімдерді жүктеп алуға, төлем ұйымы жүргізген барлық ұстап қалуларды көруге мүмкіндік алады.
6.6. Қызмет көрсетушімен шарт жасасу:
6.5. Қағидалардың 6-бөліміне сәйкес барлық іс-қимылдар жүргізілгеннен кейін, төлем ұйымы мен Қызмет көрсетуші арасында Шарт жасалады.
6.6. Төлем ұйымы Қызмет көрсетушімен төлем қызметтерін көрсету туралы шарт жасасады.
6.7. Қызмет көрсетушіге бірегей сәйкестендіргіш бере отырып, Жүйеде тіркеуден өтеді.

• Төлем ұйымындағы тәуекелдерді басқару жүйесі деп қаржылық тұрақтылық пен орнықты жұмыс істеуді қамтамасыз ету мақсатында төлем ұйымы қабылдаған тәуекелдерді уақтылы айқындау, өлшеу, бақылау және мониторинг жүргізу жөніндегі іс-шаралар кешені түсініледі. Тәуекелдерді тиімді басқару үшін төлем ұйымы:
• тәуекелдерді айқындауды, өлшеуді, бақылауды және мониторингтеуді;
• барлық ақша операцияларының жүзеге асырылуын бақылауды;
• тәуекелдердің алдын алу және оларды барынша азайту жөніндегі шараларды әзірлеуді және іс жүзінде іске асыруды;
• оларды қолдану тиімділігін бағалауды жүзеге асырады.

7.1. Төлем ұйымындағы тәуекелдерді реттеудің негізгі міндеті – Төлем ұйымының активтері мен пассивтерін басқару процесінде қауіпсіздік пен өтімділік көрсеткіштері сақталған жағдайда кірістіліктің қолайлы деңгейін ұстап тұру, яғни шығындарды барынша азайтуды қамтамасыз ету.
7.2. Төлем ұйымындағы тәуекелдерді басқару процесі мыналарды қамтиды:

• тәуекелдерді болжау, олардың ықтимал мөлшерлері мен салдарын айқындау;
• оларға байланысты шығындардың алдын алу немесе оларды барынша азайту жөніндегі іс-шараларды әзірлеу және іске асыру.

7.3. Тәуекелдерді басқару стратегиясын әзірлеу кезінде төлем ұйымын дамытудың барлық мүмкіндіктерін уақтылы және дәйекті түрде пайдалану, сонымен бір мезгілде тәуекелдерді қолайлы және басқарылатын деңгейде ұстап тұру қажет.
7.4. Тәуекелдерді басқару жүйесі тәуекелдерді басқару шаралары мен тәсілдері сияқты элементтермен сипатталады. Тәуекелдерді басқару жөніндегі іс-шаралар мыналарды қамтиды:

• төлем ұйымының өкілдері мен субөкілдерінің төлем ұйымының тәуекелдерді басқару қағидаларында белгіленген тәуекелдерді басқару талаптарын орындауын бақылауды қамтамасыз ететін тәуекелдерді басқарудың ұйымдық құрылымын айқындау; төлем ұйымының басқару органдарына тәуекелдер туралы тиісті ақпаратты жеткізу;
• Төлем ұйымының үздіксіз жұмыс істеуін қамтамасыз ету көрсеткіштері мен тәртібін айқындау;
• тәуекелдерді талдау әдістемелерін айқындау; тәуекелдерді басқару үшін қажетті ақпаратпен алмасу тәртібін айқындау; жүйелік іркілістер жағдайларын қоса алғанда, даулы, стандартты емес және төтенше жағдайларда өзара іс-қимыл тәртібін айқындау; операциялық және технологиялық құралдар мен рәсімдерді өзгерту тәртібін айқындау; Төлем ұйымында ақпаратты қорғауды қамтамасыз ету тәртібін айқындау.

7.5. Карталардың деректемелері және оларды пайдалана отырып жасалған операциялар туралы ақпаратты сақтауға қойылатын талаптар.
7.6. Ұйым карталардың деректемелері және оларды пайдалана отырып жасалған операциялар туралы ақпаратты сақтауға қойылатын мынадай негізгі талаптардың сақталуын қамтамасыз етуге міндетті:
- Ешқандай жағдайда сақтамау:

• картаның артқы жағында орналасқан магниттік жолақтың кез келген жолағының толық мазмұнын;
• Card validation code – картадағы қол қою панелінде басылған 3 таңбалы санды;

- Бизнестің мәні үшін елеулі болып табылатын төлем картасы туралы ақпараттың тек сол бөлігін ғана сақтау (яғни, төлем картасын ұстаушының аты-жөні, төлем картасының шифрланған нөмірі, қолданылу мерзімі).
- Ұйымда сақталатын төлем картасының деректемелері және оларды пайдалана отырып жасалған операциялар туралы ақпараттың PCI DSS (Payment Card Industry Data Security Standard) талаптарына сәйкес қорғалуын қамтамасыз ету.
- Төлем картасының деректемелері және оларды пайдалана отырып жасалған операциялар туралы ақпаратты қамтитын барлық материалдарды тек уәкілетті тұлғалардың ғана қолы жететін қауіпсіз жерде сақтау.
- Карталарды пайдалана отырып жасалған операциялар туралы ескірген деректерді қамтитын барлық ақпарат тасымалдағыштарды жою немесе тазарту.
7.7. Әмиян иесінің/үшінші тұлғалардың алаяқтық әрекеттеріне күдік туған жағдайда, бағдарламалық-техникалық құралдардың ақауы анықталған кезде, электрондық ақша төлем ұйымының қауіпсіздігін қамтамасыз ету мақсатында Банк-эмитент Электрондық әмиянды дербес бұғаттайды не Электрондық ақша иесінің электрондық әмиянын не себепті бұғаттау қажет екенін көрсете отырып, Операторға жазбаша сұрау жібереді. Оператор Банк-эмитенттен Электрондық ақша иесінің электрондық әмиянын бұғаттау туралы осындай сұрауды алған жағдайда, көрсетілген электрондық әмиянды бұғаттауға міндетті.
7.8. Электрондық ақша иесінің электрондық ақшамен операциялардың түрлері мен сомалары бойынша шектеулерден асып кетуі, сондай-ақ Оператордың электрондық әмиян иесінің өзінің авторизациялау параметрлері туралы ақпаратты (пайдаланушы аты, құпиясөз) басқа тұлғаларға бергенін анықтауы да Оператордың электрондық әмиянды бұғаттауына әкеп соғады.
7.9. Клиент ақшасының сақталуын қамтамасыз ету жөніндегі тәуекелдерді басқару қамтамасыз ету жарнасының сомасы таусылған жағдайда Жүйенің қабылдауды автоматты түрде бұғаттауы арқылы жүзеге асырылады.
7.10. Төлем ұйымындағы тәуекелдерді басқару лауазымды тұлғалардың өкімдерді орындау кезектілігін басқару; төлем ұйымының өкілдері ұсынған ақша шегінде есеп айырысуды жүзеге асыру; төлем ұйымында жұмыс күні аяқталғанға дейін есеп айырысуды жүзеге асыру; лимит ұсыну мүмкіндігін қамтамасыз ету; тәуекелдерді басқарудың өзге де тәсілдері арқылы айқындалады.

9.1. Төлем ұйымы Жүйенің есеп айырысуға қатысушыларының осы Қағидаларға қосылуына байланысты өздеріне мәлім болған, басқа Қатысушылар туралы жалпыға қолжетімді болып табылмайтын мәліметтердің құпиялылығын сақтауын қамтамасыз ету үшін барлық шараларды қабылдайды, мынадай жағдайларды қоспағанда, егер ақпарат:

• осы ақпараттың иесі болып табылатын есеп айырысуға қатысушының талабы бойынша немесе оның рұқсатымен ашылған болса;
• осы Қағидаларда көзделген міндеттемелерді орындау үшін қажетті көлемде үшінші тұлғаларға ұсынылуға жатса;
• Қазақстан Республикасының заңнамасында көзделген негіздер бойынша ашылуға жатса.

9.2. Электрондық әмиянға қол жеткізу және оны пайдалана отырып кез келген операцияларды жасау тек электрондық ақша иесі аутентификациядан өткеннен кейін ғана мүмкін болады.
9.3. Электрондық әмиянға қол жеткізу кезінде электрондық ақша иесінің аутентификациясы төлем ұйымы ұсынатын бағдарламалық қамтамасыз ету арқылы электрондық ақша иесінің авторизациялау деректерін: логинін, құпиясөзін, ұялы телефон нөмірін және қажет болған жағдайда арнайы SMS-хабарламаларды пайдалану арқылы жүзеге асырылады.
9.4. Оператор профилактикалық жұмыстар жүргізілетін уақытты қоспағанда, Жүйенің тәулік бойы, аптасына 7 күн, жылына 365 күн үздіксіз жұмыс істеуін қамтамасыз етеді.
9.5. Оператор электрондық ақша төлем ұйымындағы қызметті жүзеге асыру барысында өзіне белгілі болуы мүмкін ақпараттық қауіпсіздікті қамтамасыз ету құралдары мен әдістері туралы ақпараттың, дербес деректердің және Қазақстан Республикасының заңнамасына сәйкес міндетті түрде қорғалуға жататын өзге де ақпараттың қорғалуын қамтамасыз етеді.
9.6. Есеп айырысуға қатысушылар төлем ұйымында алмасылатын немесе төлем ұйымын пайдалануына байланысты өздеріне қолжетімді болатын ақпарат пен құжаттардың қауіпсіздігін және қорғалуын қамтамасыз ету, сондай-ақ алаяқтықты анықтау (оның алдын алу) және қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл жасау мақсатында барлық қажетті шараларды қабылдауға міндеттенеді.
9.7. Төлем ұйымында қолданылатын бағдарламалық-техникалық құралдарға рұқсатсыз қол жеткізудің алдын алу құралдары мен шаралары, оның ішінде қорғаудың бағдарламалық-техникалық құралдары Қазақстан Республикасының заңнамасында белгіленген талаптарға сәйкес ақпаратты қорғау деңгейін және оның құпиялылығын сақтауды қамтамасыз етуге тиіс. Есеп айырысуға қатысушылар құпиялылықты сақтау, рұқсатсыз пайдаланудың алдын алу және сәйкестендіру деректерін үшінші тұлғалардың рұқсатсыз қол жеткізуінен қорғау жөнінде барлық қажетті шараларды қабылдауға міндеттенеді.
9.8. Қатысушы авторизациялау деректерін жоғалтқан жағдайда, Оператор оған Электрондық әмиянға қол жеткізуді қалпына келтіру мүмкіндігін береді.
9.9. Төлем ұйымы электрондық ақша жүйелерінің Операторы ретінде әрекет ете отырып, ақпараттық қауіпсіздікті қамтамасыз ету процесін басқаруға арналған, электрондық ақша жүйелері Операторының жалпы басқару жүйесінің бір бөлігі болып табылатын ақпараттық қауіпсіздікті басқару жүйесін құруды және оның жұмыс істеуін қамтамасыз етеді.
9.10. Ақпараттық қауіпсіздікті басқару жүйесі электрондық ақша жүйелері Операторының ақпараттық активтерін қорғауды қамтамасыз етеді, бұл ретте электрондық ақша жүйелері Операторының бизнес-процестері үшін ықтимал залалдың ең төмен деңгейіне жол беріледі.
9.11. Төлем ұйымы электрондық ақша жүйелерінің Операторы ретінде әрекет ете отырып, ақпараттық қауіпсіздікті басқару жүйесінің тиісті деңгейін, оның дамуын және жетілдірілуін қамтамасыз етеді.
9.12. Төлем ұйымы электрондық ақша жүйелерінің Операторы ретінде әрекет ете отырып, ақпараттың құпиялылығын, тұтастығын және қолжетімділігін қамтамасыз ету мақсатында мынадай функцияларды жүзеге асырады:

• ақпараттық қауіпсіздікті басқару жүйесін ұйымдастырады, ақпараттық қауіпсіздікті қамтамасыз ету жөніндегі қызметті және қауіптерді анықтау мен талдау, шабуылдарға қарсы іс-қимыл жасау және ақпараттық қауіпсіздік оқиғаларын тергеп-тексеру жөніндегі іс-шараларды үйлестіруді және бақылауды жүзеге асырады;
• ақпараттық қауіпсіздікті қамтамасыз ету процесіне әдіснамалық қолдау көрсетеді, мынадай процестерді ресімдейді және өзекті күйде ұстап тұрады: қызметкерлер мен үшінші тұлғалар үшін қолжетімділікті басқару, ақпараттық активтердегі өзгерістерді басқару, осалдықтарды басқару, оқиғаларды басқару, ақпараттық активтерді резервтік көшіру мен мұрағаттауды басқару, персоналды оқыту және хабардар ету деңгейін арттыру;
• өз өкілеттіктері шегінде ақпараттық қауіпсіздікті басқару, қамтамасыз ету және бақылау әдістерін, құралдарын және тетіктерін таңдауды, енгізуді және қолдануды жүзеге асырады;
• ақпараттық қауіпсіздік оқиғалары туралы ақпаратты жинауды, шоғырландыруды, сақтауды және өңдеуді жүзеге асырады;
• ақпараттық қауіпсіздік оқиғалары туралы ақпаратты талдауды жүзеге асырады;
• ақпараттық қауіпсіздікті қамтамасыз ету процесін автоматтандыратын бағдарламалық-техникалық құралдарды енгізуді, олардың тиісінше жұмыс істеуін, сондай-ақ оларға қол жеткізуді қамтамасыз етеді;
• артықшылық берілген есептік жазбаларды пайдалану бойынша шектеулерді айқындайды;
• электрондық ақша жүйелері операторының қызметкерлерін ақпараттық қауіпсіздік мәселелері бойынша хабардар етуді қамтамасыз ету жөніндегі іс-шараларды ұйымдастырады және өткізеді;
• электрондық ақша жүйелері операторының ақпараттық қауіпсіздікті басқару жүйесінің жай-күйіне мониторинг жүргізеді;
• мерзімді түрде, бірақ жылына кемінде бір рет, электрондық ақша жүйесі Операторының басшылығын ақпараттық қауіпсіздікті басқару жүйесінің жай-күйі туралы хабардар етеді.

9.13. Төлем ұйымы электрондық ақша жүйелерінің Операторы ретінде әрекет ете отырып, ақпараттық активтерге қатысты рұқсат етілетін деңгей критерийлерін көрсете отырып, ақпараттық қауіпсіздік тәуекелдерін басқарады.
9.14. Ақпараттық қауіпсіздік тәуекелдері іске асырылған жағдайда, осындай тәуекелдердің туындауын барынша азайтуға бағытталған іс-шаралар жоспары әзірленеді.
9.15. Төлем ұйымы ақпараттық қауіпсіздікті қамтамасыз ету жөніндегі қызмет мониторингі барысында алынған ақпараттық қауіпсіздік оқиғалары туралы ақпаратты қажетті түрде шоғырландыруды, жүйелеуді және сақтауды қамтамасыз ету үшін қажетті шараларды қабылдайды.
9.16. Ақпараттық қауіпсіздік оқиғалары туралы ақпаратты сақтау мерзімі кемінде 5 (бес) жылды құрайды.
9.17. Төлем ұйымы электрондық ақша жүйелерінің Операторы ретінде әрекет ете отырып, ақпараттық қауіпсіздік оқиғасын, оның себептері мен салдарын жою жөніндегі шұғыл шараларды қабылдау тәртібін айқындайды. Бұл тәртіп бизнес-процесс түрінде регламенттелуге және төлем ұйымының бірінші басшысының бұйрығымен бекітілуге тиіс.
9.18. Төлем ұйымы электрондық ақша жүйелерінің Операторы ретінде әрекет ете отырып, ақпараттық қауіпсіздік оқиғаларының есебін жүргізу журналын жүргізеді, онда ақпараттық қауіпсіздік оқиғасы туралы барлық ақпарат, қабылданған шаралар және ұсынылатын түзету шаралары көрсетіледі.
9.19. Төлем ұйымы электрондық ақша жүйелерінің Операторы ретінде әрекет ете отырып, Ұлттық Банкке мынадай анықталған ақпараттық қауіпсіздік оқиғалары туралы ақпарат ұсынады:

• қолданбалы және жүйелік бағдарламалық қамтамасыз етудегі осалдықтарды пайдалану;
• ақпараттық жүйеге рұқсатсыз қол жеткізу;
• ақпараттық жүйеге немесе деректерді беру желісіне «қызмет көрсетуден бас тарту» шабуылы;
• сервердің зиянды бағдарлама немесе кодпен зақымдануы;
• ақпараттық қауіпсіздік бақылауларының бұзылуы салдарынан электрондық ақшаның рұқсатсыз аударылуын жүзеге асыру;
• электрондық ақша жүйесі операторы қызметінің тұрақтылығына қатер төндіретін ақпараттық қауіпсіздік оқиғалары.

9.20. Көрсетілген ақпараттық қауіпсіздік оқиғалары туралы ақпарат төлем ұйымымен мүмкіндігінше қысқа мерзімде, бірақ анықталған сәттен бастап 48 сағаттан кешіктірілмей, ақпараттық қауіпсіздік оқиғасының картасы түрінде ұсынылады.
9.21. Өңделген ақпараттық қауіпсіздік оқиғалары бойынша ақпарат Ұлттық Банктің ақпараттық қауіпсіздік оқиғалары мен инциденттерімен алмасуға арналған платформасын пайдалана отырып, электрондық форматта ұсынылады.
9.22. Төлем ұйымы әрбір ақпараттық қауіпсіздік оқиғасын тіркеу жөнінде шаралар қабылдайды.
9.23. Төлем ұйымы ақпараттық қауіпсіздікті қамтамасыз ету функциясын үшінші тұлғаға беру құқығын өзіне қалдырады.

10.1. Жүйе тапсырыс үшін төлем жасау не пайдаланушыға төлем жүргізу қай төлем жүйесі арқылы жүзеге асырылатынына қарамастан, жүйеге қатысушылар арасындағы өзара іс-қимылды бірыңғай стандарттар мен алгоритмдер бойынша жүзеге асыру мүмкіндігін ұсынады.
10.2. Жүйенің жұмысы бір жағынан сатушылар мен сервистердің сұрау салуы бойынша жасалатын электрондық шоттарға, екінші жағынан сәйкестендірілген немесе сәйкестендірілмеген пайдаланушылармен өзара есеп айырысуларға негізделеді.
10.3. Сұрау салу API пайдалану арқылы толық автоматтандырылған режимде де, арнайы web-интерфейс (жеке кабинет) арқылы қолмен де жүзеге асырылуы мүмкін. Төлем туралы ақпараттың келіп түсуі Жүйеге қатысушыларға онлайн режимде ұсынылады.
10.4. Төлем жүйелерін қосуға арналған драйверлер төлем инфрақұрылымының әртүрлі нұсқаларымен өзара іс-қимыл жасау мүмкіндігіне ие, олардың ішінде:
- банк карталарының интернет-эквайрингі;
- қолма-қол төлемдерді қабылдау жүйелері:

• банктік ұйымдардың есеп айырысу-кассалық бөлімшелері;
• төлем терминалдары;
• ақша аударымдары жүйелері;

- электрондық ақша және мобильді төлемдер жүйелері;
- төлем қабылдау нүктелері үшін банк карталарының эквайрингі.
10.5. Төлем жүйелерін қосуға арналған драйверлер сондай-ақ сервистерден пайдаланушыларға ақша төлеу инфрақұрылымын мынадай тәсілдер арқылы пайдалануға мүмкіндік береді:

• банк карталарына онлайн режимде төлемдер жүргізу;
• банкоматтарға SMS-код бойынша төлемдер жүргізу;
• алушының IBAN шотына төлемдер жүргізу.

10.6. Жүйенің функционалы мынадай негізгі модульдер мен сервистерден тұрады:
- мерчант интерфейстері:

• мерчанттар мен сервистерді қосуға арналған API және Mobile SDK;
• қосуға арналған CMS модульдері мен пакеттері;
• мерчанттар мен сервистерге арналған клиенттік интерфейс (жеке кабинет);
• төлемдерді қайтаруға арналған API;
• төлеушілерді хабардар ету опциясы;
• шот ұсыну опциясы;
• төлемге арналған QR-кодтарды генерациялау (статикалық және динамикалық);
• өтінімдерді генерациялау және өңдеу сервисі;
• Android және IOS мобильді қосымшасы;

- Әкімші интерфейстері:

• операцияларды басқаруға және мониторингтеуге арналған қызметкердің жеке кабинеті;
• статистиканы қалыптастыру бөлімі;
• антифрод-талдау сервисі;
• рөлдерді құру және оларды басқару бөлімі;
• өкілдерді басқару бөлімі;
• жүйеге онлайн қосылу;

- Пайдаланушы интерфейстері:

• төлемдерді мониторингтеу функционалы.

11.1. Қағидаларға өзгерістер және/немесе толықтырулар Қағидалардың жаңа редакциясын бекіту жолымен де, сондай-ақ Қағидаларға енгізілетін өзгерістер және/немесе толықтырулар мәтінін дайындау жолымен де енгізілуі мүмкін.
11.2. Қағидаларға енгізілетін өзгерістер және/немесе толықтырулардың күшіне ену күнін төлем ұйымы Шартқа сәйкес мерзімдерді ескере отырып айқындайды.
11.3. Есеп айырысуға қатысушы Қағидаларға енгізілген өзгерістермен және/немесе толықтырулармен немесе тарифтермен келіспеген жағдайда, өзінде бар электрондық ақшаны өтеп және төлем ұйымындағы электрондық әмиянды жабу арқылы төлем ұйымын одан әрі пайдаланудан бас тартуға құқылы.
11.4. Қағидаларға кейіннен өзгерістер және/немесе толықтырулар енгізу осы Қағидалар бөлімінде белгіленген тәртіппен жүзеге асырылады.
11.5. Қағидаларға енгізілген кез келген өзгерістер және/немесе толықтырулар күшіне енгеннен кейін төлем ұйымын одан әрі пайдалану есеп айырысуға қатысушылардың осындай өзгерістермен және/немесе толықтырулармен келісетінін білдіреді.

1) Электрондық ақшаны өткізу (тарату) жөніндегі қызметтер:

2) Электрондық ақшаны пайдалана отырып жасалатын төлемдерді қабылдау және өңдеу жөніндегі қызметтер:

3) Клиент электрондық нысанда бастамашылық жасаған төлемдерді өңдеу және төлемді және (немесе) аударымды жүзеге асыру не осы төлемдер бойынша ақшаны қабылдау үшін банкке, банктік операциялардың жекелеген түрлерін жүзеге асыратын ұйымға қажетті ақпаратты беру жөніндегі, Қызмет көрсетушілер мен Клиенттерге (жеке тұлғаларға) ұсынылатын Төлемдерді қабылдау және Төлемдерді жүзеге асыру сервистері шеңберіндегі қызметтер:

4) Ақша жіберушінің банктік шотын ашпай төлем жасау үшін қолма-қол ақшаны қабылдау жөніндегі қызметтер: